فن

مراجعة مسلسل la casa de papel الموسم الخامس | هل يستحق جزء سادس ؟

#مراجعة مسلسل la casa de papel

مراجعة مسلسل la casa de papel الموسم الخامس الجزء الأول، سوف أقوم بتحليل وسرد احداث مسلسل البروفيسور الموسم الخامس بالطريقة العامية حتي تصل إليكم بشكل أوضح، حيث سنقوم بتقسيم تلك المراجعة إلي عدة أجزاء وننطلق مع البداية طبعا مش محتاج أقول إن الموسم دة هو تكمله للموسم الثالث والرابع.. وأني كنت مضايق من الموسم الرابع لإنه قرر إنه يمط فى المسلسل آكتر بل وكمان يقسم الموسم الخامس على نصين وكل نص فيهم ب 5 حلقات وماكنتش شايف إنه كان قرار موفق ولكن بقينا قدام أمر واقع خالص.

المفاجأة إن الموسم الخامس (الجزء الأول) عجبني جدا بل وقدر يستعيد اجواءة اللى تمت اطفائها فى رأي فى الموسم الرابع.. لأن دلوقتي قصتنا مابقتش معتمدة على ألعاب البروفيسور أو العصابة وبس.. لا ديه معتمدة على المواجهات والصراعات وبين الاطراف و الاطراف دول هما ثلاثة.

مراجعة مسلسل la casa de papel الموسم الخامس

الأول: هو صراع البروفيسور مع المحققة وان زي ما عرفنا فى الموسم اللى فات إنها عايزة تثبت نفسها بس بشكل مش قانوني آوي أو زي ما الحكومة عايزة وانها تقبض عليه وتحاول تعرف منه كل الحقايق… ودة صراع كان موفق وكان فيه جرعة كويسة من الإثارة والقلق لغاية لما بيحصل تحول إحنا نفسنا كنا متوقعها ولكن الطريقة اللى جت بيها كانت موفقة وحلوة جدا.

يمكن بس اللى معجبنيش فى الخط دة هو الاعتماد على الفلاش باك برلين.. يمكن خدم القصة شوية إن إحنا عرفنا إن البروفيسور استعان ب ناس تانية لية وإزاي… انما برلين نفسه كان غير مؤثر فى أي شئ ولا حتى خلفيته.. ومقدرش أقول إني اضيقت أو حسيت بملل ولكن اقصد أقول إنها مأضفتش حاجة فى الاحداث.

الثاني

هو أن عندنا الرهأن مابقوش رهائن… يعنى دول بقزا بيقوموا وبيقوموا ب اسلحة بقيادة ارتورو طبعا… عدو العصابة اللدود ودة كان عجبني جدا لأن الخطر بقى محاصر العصابة فى الجانب الداخلي و الخارجي.. ودة جانب جديدة وعجبني واللى عجبني آكتر إن مشاهد الاكشن فيها كانت متنفذة بشكل ممتاز وقدر تسحب مني اثارة وتوتر كتير الحقيقة ولكن الاكشن والاثارة والتوتر وصلت فى أفضل احوالها مع الطرف الثالث.

يهمك ايضاً:

الثالث

هو الجانب الشرطي وكمان لشخصية جديدة متعندهاش رحمة والفرقة بتاعته معندهمش أي درجة من الاحساس وفى رأي ديه كانت المواجهة الاكبر و الأكثر توترا لإنهم كانوا فى قمة الخطر ومن أول ما دخلوا وترقبي وقلقي للأحداث ما وققش خصوصا على شخصيتنا لأني حسيت وأنا بتفرج إن فيه حد هيروح منهم فى فرقة زي كدة وكالعادة لما المسلسل بيحب يسحب شخصية بيبقى عارف يوترنا إزاي وإزاي يصدمنا فى موته.. وبراهن إن الشخصية اللى راحت فى الموسم دة موتها مختلف عن أي حد منهم مات قبل كدة خلاني اضايق وانبسط فى نفس الوقت.

فيديو مناقشة مسلسل la casa de papel الموسم الخامس

كمان يمكن معجبنيش إن شخصية طوكيو حاول إنه يبرز قصة حب ليها فى الماضي وأخد جانب كبير فى آخر حلقتين ودة مكانش مفيد دراميا.. أنا معنديش مانع أعرف أي حاجة عن أي شخصية بس مش لازم تفاصيل وتفاصيل عميقة كمان لأن ببساطة مش مفيدة لا فى أحداثنا ولا الجانب الدرامي.

في الخلاصة الموسم الخامس قدر يقفل قفلة خلاني بجز إني عايز أتفرج على الجزء الثاني منه حالا وديه حاجة افتقدها المرة أللى فاتت بعد انتهاء الموسم الرابع ودة فى حد ذاته نجاح كبير واتمنى إن المواجهات والخطوط ديه تستمر فى إبداعها وتصاعدها لغاية النهاية.

تقييمي النهائي: (8/10)، ونرجوا منكم أن تشاركونا آرائكم حول الموسم الخامس من المسلسل في التعليقات أسفل المقال.

تعليقات فيس بوك

مقالات ذات صلة

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى